Die Mud­der kummd!

10. Mai 2015 | von | Kategorie: Spielplatz

Mundart-Text (Grafik: Irma Stolz)

 
Die Mud­der kummd! – Ä Gschpräch zwi­schen Sohn (Er) und Schwie­cher­doch­der (Sie)

Sie: Woss machsdn edz ei­gend­li am sunn­dooch? Hossd scho woss ge­b­land?

Er: Woss soll­mern scho machn? Wenns sche­ens wed­der is, dann gen­ger­mer nachm essn äweng schba­zi­ern und wenn ka sche­ens wed­der is, dann , dann, dann … wass i aa ned. Des wer­mer dann scho se­eng.

Sie: Woss du machsd – ned wir, hob­bi gfroochd. Mein Godd, wenn ich ned an al­les den­gn däd! Am sunn­dooch is ach so wich­di­ge mud­der­dooch. Dou dengd der herr wid­der ned droo. Es is ja wohl dei mud­der – iich hobb ja kan­ne mehr – lei­der.

Er: Dou häd­di scho nu droo dengd. Wäi ken­ner­di su­ern dooch ver­gessn. Nie. Ganz besch­dimmd häd­di nu droo­dengd. Is ja erschd frei­dooch. – Ja, und woss mach­mer edz?

Sie: Du! Es is doch dei­ne Frau Mut­ter. Dou lou­der nur woss ei­falln. Ob­ber anns so­och ich dir glei: Su wäi led­z­des jo­ar leffd des jed­n­falls ned wid­der.

Er: War­um? Des wo­ar doch ganz schäi. Mei mud­der wo­ar doch glück­li und zu­friedn. Und des is doch di haub­dsach.

Sie: Der­fi dich äm­ool er­in­nern, wäi des ab­glaaf­gn is? Du hossd dei mud­der zum mid­do­ch­essn ghulld. Und iich hobb kochd. Und dann hodds mid schbid­zer zun­ge gs­achd: »Al­so änn schweins­broodn der­fi ned essn, iich mach doch grood mein fräi­jo­ars­diäd. Des doud mer edz leid, weils­der su­vühl müh gmachd hossd.« Und dann hodds blo­as än sa­lood gessn. Ob­ber dann hodds am nach­mid­doch ä sah­ne­dordn neig­haud: »No­ja«, hodds gs­achd, »A stigg­ler. Dou der­fi scho äm­ool sün­dign, dassd ned be­lei­digd bisd.« Und dann hodds nu zwaa schdigg­ler kees­ko­ung neig­schbach­deld: »Däi zwaa Ka­lo­ri­en, is ja nur quark«, hodds gmaand. Ja, mei läi­ber, ob­ber dou der­vu hossd du ja nix miid­gräichd.

Er: Woss soll iich ned mid­gräichd homm?

Sie: Mein godd. Es kaf­fed­ringn. Du wo­arsd ja affm so­fa gle­eng, hossd in fern­sehr oog­schaldn und hossd dief gschloofn und gschnarchd.

Er: Ach ja, des schdimmd. Dou wo­ars­mer nach es­sen goar ned goad und dann hob­bi mi ä boor mi­nudn hie­läing mäin.

Sie: Ä boar mi­nudn hi­lä­ing! Das­si ned lach! Fasd zwaa schdundn hossd gschloofn. Wenn iich zum essn mid­dooch scho drei bier dringnd de­ed, dann wär­r­erd iich aa mäid. Iich hobb­mers dann di ganz zeid oo­heern mäin, dei mud­der. »Gell, der hodds scho schwer, der Al­fred. Des is heid­zu­dooch nim­mer su ein­fach in der är­berd. Dou mo­asd jedn dooch dein mann schdäih, sunsd bisd ford. Dou brauchd mer am wo­chen­dend scho sei er­ho­lung. Mei Bou will ja im­mer al­les bson­ders rechd ma­chen – in der är­berd und a der­hamm, iich ken­nern doch. Dou mo­u­mer als frau scho drauf schau­er, das­ser sich ned ie­ber­nimmd. Ob­ber des machsd du si­cher ganz goad, wäi ich dich kenn. Er is ja ei­gend­li aa leichd zu­friedn zu schdelln, der Al­fred. Mir sin in un­se­rer fa­mi­lie al­le be­scheidn. Uns so is aa der Al­fred er­zu­ung worn – im­mer be­scheidn sei, nix über­d­reim. No­ja, manch­mool mäins scho äweng ie­ber di schdräng schloong derfn, di män­ner. Wäi hald män­ner su sin. Mir frau­en braung des ned äsu.« Un­meech­li, di al­de! Dou wennsd mer ned gäihsd. Im­mer mo­as­mer woss hiereim, dei Frau Mut­ter!

Er: No mei, des derfsd ned su ernsd neh­mer. Sie sorchd si hald um miich. Ä mud­der bleibd hald ä mud­der.

Sie: Sie sorchd sie hald um miich. Sie sorchd sie hald um miich. Des ar­me mud­der­söhn­ler! Sorch­ds­er­si viel­leichd aa, wenns im­mer sachd: »Ja machds eich nur ä biss­ler schäi mi­dein­an­der, su­lang kan­ni kin­der dou sin. Edz kenn­der nu machn, wos­ser wolld. Wenn erschd di kin­der dou sin, is des vur­bei. Ihr hobb­ds ja goad, weil iich dou bin. Iich däd eich als groß­mud­der gern endlasdn middn kind, wen­ner erschd ä en­ger­le dou wär! Is ned bald su weid? Dou fei ned wardn, bis zu schbäd is!« Und dann er­zühlds mer zum hun­dersdn mool di gschichd von der doch­ter ih­rer frein­di, di erschd schbäd ä kind hoom hodd wolln und kanns mer gräichd hodd. Und der­bei schauds mi im­mer vo der seidn oo. Furchdboor is des. Du konnsd ihr ruhich äm­ool so­ong, das mir goar kan­ne kin­dern wolln. Dass des end­li mool aaf­he­erd.

Er: Ja, ja. Des ma­chi scho. Dou moui in rich­din zeid­bungd ab­wardn. Des is ned su leichd.

Sie: Wohr­schei­li am St. Nim­mer­leins­dooch, wäi iich dich kenn.

Er: Du reds­di leichd. Du hossd ja ka mud­der mehr.

Sie: Edz langds ob­ber wer­g­li. Edz moui mir oo­heern, dass iich im vuhr­de­il bin, weil mei ar­me mud­der vur zwaa jaor gschdrom is. Des is ja es hin­der­led­z­de.

Er: End­schul­di­gung. Iich hobbs ned su gmaand. Iich wass ja, is ned su ein­fach mid mei­ner mud­der. Ob­ber zwischn dir und ihr hodd di che­mie ja nu nie gschdimmd. Dou kom­mer ein­fach nix machn.

Sie: Bin edz iich dou dro schuld? Woss?

Er: Naa, na­dür­li ned. Iich ma­an hald blo­as. – Ob­ber woss mach­mern edz am sunn­dooch?

Sie. Woss du am sunn­dooch machsd, maansd. Ned wir, du!

Er: Ja, ja. Dann gen­ger­mer hald zum mid­do­ch­essn in Schwarzn Ad­ler und dann vurm kaf­fee­d­ringd äweng schba­zi­ern im wiesngrund. Kaf­fed­ringn käm­mer ja dann bei uns machn, od­der?

Sie: Des mou­er­mer nu schwer ie­ber­le­eng. Es ken­nerd ieb­ri­gends leichd sei, dassd mid dei­ner mud­der al­laans schba­zi­ern­gäih mo­asd, wenns mir nach mid­do­ch­essn schlechd worn is und iich mich der­hamm hi­lä­ing mou.

Er: Ja, ja is scho rechd. Hobbs scho verschdandn. Mein godd, je­des jo­ar des gschiss mid dem mud­der­dooch.

Stichworte: ,

Kommentar-Feed RSS-Feed für Kommentare nur zu diesem Beitrag

Kommentar abgeben: